كشفت المطربة
شاهيناز عن أسباب غيابها عن الغناء لفترة، موضحة أنها هي من قررت ذلك بسبب عدة
ضغوطات تعرضت لها، فضلا عن المسؤوليات التي كانت تقع على عاتقها، ما جعلها تختفي
وتبتعد عن الأشخاص المقربين لها.
وقالت شاهيناز، خلال مداخلة مع برنامج «تفاصيل»: «مكنش قصدي الغياب ده، لكن شاء ربنا إن الفترة طولت، ولما رجعت لقيت في حاجات فاجأتني وحاجات بسطتني، زي إن الجمهور لسه مستنيني وحاببني وعاوز دايما يسمع أغاني جديدة، وسمعت ده من ناس كثير زي (ليه بعدتي؟ وليه اختفيتي؟)، وطالبوني اني مغبش تاني»، مشيرة إلى أن ذلك يجعلها تشعر بمسؤولية مضاعفة، فالجمهور له حق عليها وعلى أي فنان، وأردفت: «كان سببا في يوم من الأيام أن يجعلني معروفة وسط الجميع بعد الله عز وجل، وكسبت الكثير بسببهم وحققت نجاحات كبيرة».
وكانت شاهيناز قد تحدثت في لقاء سابق عن تجربتها الفنية مع الفنان محمد رمضان، فوصفتها بأنها تجربة مميزة وتعتز بها كثيرا، قائلة: «تجربتي مع محمد رمضان بعتز بيها جدا، لأني من فانزه، وهو فنان جميل ومجتهد»، كاشفة كيف بدأت فكرة التعاون بينهما، وقالت: «اتقابلنا من كام سنة في مناسبة تخص أحد الأصدقاء، وبدأنا نتكلم، وكنت أنا اللي اقترحت عليه فكرة الديو، كان لسه بادئ يغني، فقلت له تعال نعمل أغنية سوا، وفعلا اتحمس للفكرة».
وتابعت: «مرت سنة أو اتنين، وفضل بينا تواصل كزملاء، لكني محبتش أكرر الطلب عشان مبقاش زنانة، وده يمكن كان غلط مني، لأن في مجالنا لازم نتابع، بعد فترة لقيته هو اللي بيكلمني، وفرحت جدا، لدرجة إني قلت له (ده التليفون نور)».
وأكملت شاهيناز: «قال لي (عندي أغنية هبعتها ليكي)، قلت له (من غير ما أسمعها أنا موافقة)، سجلناها فعلا، وكان المفروض نصورها بس هو انشغل بتصوير (جعفر العمدة)، ومع ذلك احتمال كبير يكون في عمل تاني يجمعنا قريب، وساعتها هيتصور إن شاء الله».
اترك تعليقا:
